Në një intervistë ditë më parë, Sekretari i Përgjithshëm i Federatës së Futbollit Zviceran (SFV), Alex Miescher, kishte deklaruar mes të tjera: “Duhet të pyesim veten, a duam shtetas të dyfishtë”.
Federata e Futbollit Zviceran (SFV) kërkon falje për deklaratat e bëra. Presidenti i SFV-së Peter Gillieron thotë mes të tjera se pas takimit me bordin kanë diskutuar për këtë çështje.
Duhet kujtuar se Xherdan Shaqiri dhe Granit Xhaka, ishin temë diskutimi kur bënë shqiponjën dykrenore pas golave dhe fitores me rezultat 2:1 kundër Serbisë, në ndeshjen e grupit E të Kampionatit Botëror – “Rusia 2018".