Ylli i Manchester Unitedit, Paul Pogba, e ka refuzuar shkurtimin e pushimeve për t’u rikthyer në stërvitje me ‘Djajtë e Kuq’.
Jose Mourinho ka kërkuar nga lojtarët e tij që të rikthehen në stërvitje me skuadrën para përfundimit të pushimeve të tyre, dhe disa prej tyre e kanë pranuar këtë kërkesë, duke përfshirë Romelu Lukakun.
Ndërkohë, Paul Pogba e ka refuzuar kthimin nga pushimet e tij dhe në vend të kësaj e ka organizuar një festë me shokët dhe familjarët e tij në Los Angeles.
Kjo i ka ftohur më shumë marrëdhëniet mes tij dhe trajnerit portugez, kurse Juventusi në anën tjetër është duke e shikuar situatën nga afër.
