Kreu i Milanos është forcuar më tej me emërimin e Paolo Maldini si Drejtor i ri i Zhvillimit Strategjik në Zonën Sportive.
Paolo është një legjendë e gjallë në historinë e kuqezinjve për klasin e tij të jashtëzakonshëm, për talentin, udhëheqjen, besnikërinë, dhe të dhënat e tij të suksesit, të pashembullt.
Këto cilësi do të luajnë një rol vendimtar në marrjen e Milanos në madhështinë që meriton.
Mbiemri “Maldini” prek zemrën e të gjithë milanastave, simbol i dinastisë së dedikimit dhe suksesit. Historia e lavdishme e familjes Maldini ka filluar me “Cezare” të paharrueshmin, babain e Paolos, kapitenin e ekipit që fitoi Kupën e parë Evropiane në vitin 1963. Fuqia e Maldinit dëshmohet nga historia e fanellës me numrin 3, e cila ishte tërhequr, dhe e ardhmja mund të vishet vetëm nga Maldini tjetër.
Historia e Paolos në Milan është e pashembullt. Ai bëri debutimin e tij në Serie A në moshën 16 vjeçare më 20 janar, 1985. Gjatë karrierës së tij si një mbrojtës, Paolo fitoi 26 trofe: shtatë kampionate kombëtare; 1 Coppa Italia; 5 Supercoppeitaliane; 5 UEFA Champions League (duke luajtur në 8 finale, një rekord që ai ndan me Francisco Gento); 5 Superkuoa evropiane; 2 Kupa Interkontinentale dhe një Club World Cup. Paolo Maldini u pensionua në fund të sezonit 2008/09 dhe pas 25 viteve të lavdishme në fanellën e rossonerëve, pati 648 paraqitje në Serie A, rekord, dhe 419 ndeshje me shiritin e kapitenit.
Paolo Scaroni, presidenti i Milanos, ka thënë: “Nuk ka fjalë për të përshkruar atë që Paolo Maldini është për Milanon. Për të gjithë ishte një privilegj për ta parë atë duke luajtur dhe duke fituar trofe të panumërta në fushë, ndërsa unë jam i lumtur dhe i nderuar që do të punoj me të.
Roli i ri i tij, udhëheqja dhe përvoja e Paolos do të jetë me dobi të madhe për klubin, si dhe pasionin e tij dhe energjinë e tij. Emërimi sot është një shenjë e mëtejshme e angazhimit Elliott për të ndërtuar një themel të fortë për një sukses afatgjatë. Nuk do të jetë e lehtë dhe do të marrë kohë, por ne kemi qëllime ambicioze dhe ardhja e Paolo Maldinit është një hap i rëndësishëm drejt kthimit të Milanos të madh”, ka thënë Scaroni.
