Milani është duke u treguar serioz në garën për ta transferuar mesfushorin e Chelseat, Cesc Fabregas.
Spanjolli ishte i kërkuar nga Milani këtë verë, por ”Rossonerët” kërkonin edhe Adrien Rabiot dhe Sergej Milinkovic-Savic. Megjithatë, për këtë arsye, klubi italian nuk arriti që të bëjë ofertë të konsiderueshme për mesfushorin spanjoll. Kontrata e Fabregas skadon verën e ardhshme dhe sipas mediave, Maurizio Sarri mund të vendosë që të mos ia zgjasë kontratën ish-anëtarit të Arsenalit. Lazio dhe Interi gjithashtu janë të lidhur me transferimin e Fabregasit, por duket që ”Rossonerët” janë favorit në këtë pistë.