Rreth një muaj më parë, Juventusi dhe drejtori Beppe Marotta i ndanë rrugët e tyre, por vetëm ditën e sotme ka ardhur edhe zyrtarizimi.
Në mbledhjen e sotme të aksionerëve të Juventusit, ishte presidenti Andrea Agnelli, i cili i dha një përshëndetje Marottës: “Asgjë nuk do më largojë ndonjëherë vlerësimin dhe dashurinë që kam për të.
” Vlerësime pati edhe nga Fabio Paratici, për shumë vite krahu i djathtë i Marottës, si dhe nga zv.presidenti Pavel Nedved. Juventusi publikoi edhe një komunikatë zyrtare që njoftonte largimin e Marotës. "Ishte 1 qershor 2010, kur Giuseppe Marotta u emërua Drejtor i Përgjithshëm i Juventusit: disa javë më vonë ai do të bashkohej me Bordin e Drejtorëve të Juventusit dhe do të emërohej Drejtor Ekzekutiv i Klubit. Kështu filloi një epokë e paharrueshme, e cila pa rritjen e bardhezinjve, nga viti në vit, me disa nga kampionët më të mëdhenj në skenën botërore. Një udhëtim gjatë së cilës Juventusi jo vetëm që u kthye për të fituar, shtatë kampionate radhazi, katër Kupat Italie njëra pas tjetrës, tre Superkupa italiane, por ka gjetur një reputacion ndërkombëtar, dëshmuar nga dy finalet e Champions Leagues të arritur në hapësirën prej tre vjetësh, që e vendos atë në krye të futbollit evropian. Sukseset sportive janë vetëm aspekti më emocionues i evolucionit të përjetuar nga kompania: inaugurimi i Stadiumin Allianz në vitin 2011, identiteti i ri i nisur vitin e kaluar, lindja e ekipit të Femrave të Juventusit, gjithashtu duke fituar menjëherë, ekipi U-23, janë vetëm disa nga hapat e marra për t’i dhënë klubit një dimension gjithnjë e më global.
Dhe në secilën prej këtyre Marotta ka lënë një shenjë të pashlyeshme. Si dhe do të jenë të pashlyeshme mësimet e nxjerra nga kushdo që ka punuar së bashku me të. “Ata kanë qenë shumë të mirë për tetë vjet, me sukses dhe Juventusi do të mbetet gjithnjë në zemrën time”, deklaroi ai vetëm pak javë më parë: në të njëjtën mënyrë, emri i tij do të mbetet përgjithmonë në historinë e Klubit. Faleminderit për gjithçka, drejtor.