Mediat serbe si gjithmonë shkarravisin dhe bëjnë luftë speciale kundër ylli të Republikës së Kosovës, Xherdan Shaqiri, ndryshe anëtar i kombëtares së Zvicrës dhe i skuadrës së Liverpoolit.
“Kurir” shkruan se provokatori shqiptar e ka bërë një koment në gjuhën e pastër serbe, por menjëherë është penduar fort.
"Futbollisti i Liverpoolit, Xherdan Shaqiri, ka dëshmuar se ai shërbehet shkëlqyeshëm me gjuhën e tij amtare serbe!”, shkruan një farë “Kurir”. Gazeta serbe më tutje shkruan se “Zvicerani i natyralizuar, i lindur në Kosovë dhe Metohi, pas ndeshjes Liverpool – Crvena Zvezda, nuk ka dashur të përgjigjet në pyetjen e gazetarit të Kurir në gjuhën serbe. Ai aktroi sikur nuk e kuptonte pyetjen, por tani e ka bërë të qartë sikur drita e diellit se ai shërbehet shkëlqyeshëm me gjuhën e vendit ku është lindur”. Sipas gazetës serbe, dëshmia më e mirë për këtë është komenti që ai e ka bërë në gjuhën serbe në Instagram. Në të vërtetë, ish-bashkëlojtari i tij nga Stoke City, Erik Pieters, e ka vendosur në Instagram një video-incizim të një goli, e ndër komentet e tjera është gjetur edhe një nga Shaqiri, besoni apo jo, në gjuhën serbe.“Polako brate” (“Ngadalë, vëlla!”), ka shkruar Shaqiri”, kështu shkarravisin mediat serbe,. Sigurisht kjo është shpikja e radhës e medieve serbe sa për ta rritur presionin ndaj Shaqirit në prag të ndeshjes ndërmjet Cërvena Zvezdës dhe Liverpoolit.
