Ish-ylli i Celta Vigos, Aleksandr Mostovoi ka thënë se Lionel Messi është lojtari më i mirë i të gjitha kohërave.
Barcelona e pret në shtëpi nesër Celta Vigon në kuadër të xhiros së 17-të në La Liga. “Askush nuk mundet ta ndalojë Messin, ai është më i miri i të gjitha kohërave”, ka thënë Mostovoi për Goal.
“Ai e ka përsëritur këtë për 10 vite me radhë. Shumë e krahasojnë atë me Maradonën e Cruyffin, por duket se Messi është më i miri në histori”. Messi është pesë herë fitues i Topit të Artë, mirëpo në këtë vit ai përfundoi i pestë në listë për këtë çmim, të cilin e fitoi Luka Modric.