Pasi ka zyrtarizuar Ivan Gazidis si administrator të deleguar deri në vitin 2020, Milani lëviz edhe sa i përket njerëzve të pushtetshëm të merkatos.
Modeli i shumë klubeve, që në “scout”, pra zbulime, kanë arritur të investojnë pak dhe të gërmojnë talente do të ndiqet edhe te kuqezinjtë.
Për këtë arsye, Gazidis, ish-arkitekti i suksesit të Arsenalit, ka vendosur që të zgjedhë si shefin e zyrës zbuluese të talenteve Geoffrey Moncada. Por, cili është ky? 31 vjeç dhe prej më shumë se 6 vitesh të Monaco në rolin e Vide-Analistit dhe më pas koordinatori scout. I zgjedhur vetë nga Gazidis, në balotazh me ish-scout e Arsenalit, Grimaldi, Moncada konsiderohet si një nga zbuluesit më të mirë të talenteve në botë, pasi ka punuar me Marc Westerloppe (“krijuesi” i Mbappesë), tani te PSG. Në vitet e kaluar në Francë ka sjellë shumë talente te Monaco, duke i konfirmuar më pas dhe shitur për shuma marramendëse. Analiza të detajuara pas ndeshjeve mbi kundërshtarët dhe futbollistët që janë aktivizuar e që kanë luajtur. Një raport total, që do të mbajë nën mbikqyrje shumë futbollistë në Itali dhe në Europë.
