Kombëtarja e Kosovës në futboll, pas barazimit spektakolar me Danimarkën, ndeshjen e radhës do ta luaj kundër Bullgarisë.
Ndeshja ndaj bullgarëve do të jetë e vlefshme për kualifikimet e kampionatit evropian 2020, dhe do të jetë e para në historinë e kësaj kombëtareje, në një garë të tillë.
Lojtarët e Bernard Challandes do ta luajnë edhe këtë ndeshje para tifozëve të tyre, në stadiumin ‘Fadil Vokrri’.
E përpara kësaj ndeshje, FFK ka njoftuar se cila do të jetë agjenda e kombëtares sonë për këtë ndeshje. Këtë njoftim nga federata, lajmi.net ua përcjell më poshtë.
22 mars, 2019 – Pas barazimit 2:2 në miqësoren kundër Danimarkës në mbrëmjen e kaluar, futbollistët e Kombëtares tonë kanë zbritur sërish sot në mesditë në fushë për stërvitje në kuadër të përgatitjeve për ndeshjen kualifikuese kundër Bullgarisë, që zhvillohet të hënën në orën 20:45 në stadiumin “Fadil Vokrri”.
Agjenda për ndeshjen Kosovë – Bullgari
23 mars
16:30 – Stërvitja e Kosovës
24 mars
17:30 Konferenca e Kombëtares së Kosovës
18:00 Stërvitja e Kosovës
19:00 Konferenca e Kombëtares së Bullgarisë
19:30 Stërvitja e Kombëtares së Bullgarisë
25 mars
20:45 Ndeshja kualifikuese për Euro 2020, Kosovë – Bullgari
