Kosova dhe Danimarka kanë luajtur barazim 2:2 në ‘Fadil Vokrri’, në miqësoren e zhvilluar në mbrëmjen e së enjtes.
‘Dardanët’ kanë regjistruar një paraqitje të mirë, me mysafirët nga Danimarka që golin e barazimit e shënuan vetëm pas minutës së 90’.
Kosova e nisi mirë ndeshjen, me një mbrojtje të mirë dhe me sulme të rrezikshme që vinin nga këmbët e Zenelit dhe Celinas.
Luhej minuta e 42’ kur Kosova kaloi në epërsi me një gol të bukur të Amir Rrahmanit, që shënoi me kokë.
Në pjesën e dytë, Danimarka në lojë inkuadroi edhe Christian Eriksen, i cili në minutën e 63’ barazoi në 1:1 nga penalltia.
Ky rezultat nuk qëndroi më shumë se tre minuta.
Bersant Celina, kompletoi paraqitjen fantastike duke shënuar në minutën e 66’, për 2:1.
Mysafirët nga Danimarka, golin që i shpëtoi nga humbja e shënuan në minutën e 91’, me anë Hojbjerg.
Në fund, Kosova 2:2 Danimarka.
