Pas fitores 2-1 me përmbysje të realizuar kundër Eibar, trajneri i Real Madrid, Zinedine Zidane, duke mos zbuluar fjalët e tij në pushim të ndeshjes, ka theksuar çelësin e suksesit të “Los Blancos”, krenarinë.
“Mund të jemi shumë të kënaqur me pjesën e dytë, por jo me fraksionin e parë të lojës.
Pasi kuptuan se pjesa e parë u kushtoi shumë, në të dytën futbollistët ishin shumë ndryshe”, komentoi Zidane.
“U futëm në fushë me një tjetër mentalitet. Sidomos duke luajtur si skuadër, duke vrapuar më shumë, duke luftuar më shumë. Arritëm një rezultat të mirë”, vijoi trajneri i Los Blancos.
“Duhet të urojmë dhe komplimentojmë futbollistët, sepse nxorën në pah krenarinë. Nuk do t’ju tregoj se çfarë u thashë në pushim të ndeshjes”, deklaroi trajneri francez i Real Madrid, Zinedine Zidane.
