Ishte organizuar gjithçka në detaje dhe dasma shkoi për mrekulli, por kur cdo gje mbaroi, humorin ua prishi nje detaj jo pak i rendesishem.
Kjo ngjarje e çuditshme per te cilen po flasim ka ndodhur në Manisa të Turqisë.
Aty, një 35-vjeçar gabimisht rezulton se është martuar me vjehrrin e tij.
“CNN turk” raporton se 35-vjeçari Zekeriya Karatas ishte paraqitur në zyrën e gjendjes civile për tu kurorëzuar në martesë me 25-vjeçaren Gulsah Yilmaz. Ceremonia e thjeshtë me familjarët e çiftit kaloi bukur dhe gjithçka dukej në rregull.
Pasi gjithçka kishte përfunduar dhe mysafirët ishin përcjellë, çifti rishikoi certifikatën e martesës. Për habinë e tyre, në vendin ku duhej të shkruhej emri i bashkëshortes, zyrtari i bashkisë kishte shkuar emrin e të atit të saj, 56-vjeçarit Muzaffer Yilmaz.
Qeshën vetë dhe u treguan edhe të afërmve, por përtej shakave, në duar kishin një dokument zyrtar që duhej rregulluar.
“Kur e pamë u habitëm të gjithë, u habit edhe vjehrri. Ndoshta jam njeriu i parë në botë që kurorëzohet në martesë me vjehrrin. U gëzuam kur na thanë që do rregullohet, por edhe u frikësuam fillimisht”’, tha Karatas për agjencinë e lajmeve “IHA”.
Çifti shpreson që ky gabim të rregullohet pa qenë nevoja e përfshirjes së gjykatave. Ata bënë të gjitha kërkesat e nevojshme dhe presin rregullimin e gabimit brenda pak ditësh.
