Po vazhdon ‘lufta’ mes skuadrave të mëdha të Turqisë për sulmuesin e Kosovës, Vedat Muriqi.
Edhe pse ka disa ditë që raportohet se Galatasaray është pranë mbylljes së marrëveshjes me Rizespor për transferimin e Muriqit, në skenë ka dalë sërish Fenerbahce.
Gjiganti turk që pati një sezon jo të mirë, është gati të ofrojë para dhe shërbimet e tre lojtarëve për Rizespor, vetëm e vetëm që të transferojë Vedat Muriqin.
Mediet në Turqi raportojnë se Fenerbahce do t’ia ofrojë Rizesporit 3.5 milionë euro, dhe tre lojtarë të tjerë, përcjell lajmi.net.
25 vjeçari në sezonin e kaluar, në 34 paraqitje ka shënuar 17 gola në Superligën e Turqisë.
