Sulmuesi i Eintracht Frankfurt është përforcimi i radhës për Los Blancos.
Luka Jovic është zyrtarisht futbollist i Real Madridit. Sulmuesi ka nënshkruar kontratë 6-vjeçare me “Los Blancos”. Eintracht Frankfurti, pjesë e të cilit ishte futbollisti, do të përfitojë 60 milionë euro.
Në fakt, 30% e kësaj shume i takon Benficas, që vetëm pak ditë më parë kishte arritur marrëveshjen me Eintrachtin, që e kishte huazuar me të drejtë blerjeje, opsion i ushtruar nga gjermanët. Zidane merr nën urdhrat e tij sulmuesit që kërkonte me ngulm në kuadër të projektit të tij të dytë në krye të Realit. Është vetëm 21 vjeç, por gjatë këtij sezoni me Eintrachtin ka arritur të shënojë 27 gola.
