Skuadra angleze, Tottenham Hotspur mund të mbetet pa mbrojtësin e saj kryesor , Toby Alderweireld.
Mbrojtësi belg ka shkëlqyer në edicionet e fundit si në kampionat ashtu edhe në garat evropiane.
E paraqitjet e tij të mira nuk kanë shkuar pa u vënë re nga skuadrat e mëdha evropiane.
Sipas asaj që ka shkruar e përditshmja angleze ‘Manchester Evening News’, Tottenham është kontaktuar nga skuadrat e mëdha për mbrojtësin e tyre.
Manchester United, Manchester City dhe Chelsea janë tri skuadrat angleze që po e duan lojtarin.
Gjithsesi për belgun mund të ketë edhe një rikthim në La Liga, pasi është në listën e klubit mbretëror Real Madrid.
29-vjeçari më parë ka luajtur për rivalin lokal të Realit, Atletico Madridin nga ku iu bashkua Tottenhemit.
Tottenham pasi ka transferuar në verë Sanchezin nga Ajaxi, mund ta lë të lirë belgun Alderweireld të largohet për një shumë rreth 50 milionë euro.