Klubi londinez ka njoftuar për blerjen më të re në skuadër. Lucas Perez i bashkohet West Ham United nga rivali i qytetit Arsenal.
Ky lajm u bë i ditur nga faqja zyrtare e West Ham e cila njoftoi se spanjolli ka nënshkruar kontratë tre-vjeçare me “Çekanët”.
“Jam shumë i lumtur që iu bashkova West Hamit”, ka thënë Perez gjatë prezantimit.
“Ky klub më dha mundësinë të vazhdoja të luaja në Premier Ligë dhe unë besoj në projektin e klubit për të arritur rezultate të mëdha këtë sezon”, ka theksuar ai.
Perez ishte transferuar te Arsenali në vitin 2016, por asnjëherë nuk bindi me paraqitjet e tij, kurse sezonin e shkuar luajti në huazim te Deportivo La Coruna në La Liga.