Takimi i zhvilluar në kuadër të xhiros së pestë në Premierligë ndërmjet Watford dhe Manchester United ka përfunduar me rezultat 1:2.
Pjesa e parë ishte totalisht e dominuar nga të përzgjedhurit e Jose Mourinhos.
Goli i parë erdhi në minutën e 35’ nga Romelu Lukaku, për epërsinë e parë të “djajve të kuqë”. Vetëm 3 minuta më vonë ishte Chris Smalling që dyfishoi epërsinë pas asistimit të Marouane Fellainit. Pjesa e dytë ishte diçka më e balancuar me një Manchester që tentonte ta ruante epërsinë e fituar në pjesën e parë. Ishte minuta e 65’ kur erdhi goli i parë dhe i vetëm në këtë takim për vendasit e Watford. Vlen të përmendet edhe kartoni i kuq i Nemanja Matic në minutën e 92′. Me këtë rezultat ndalet hovi i Watford, të cilët mbesin në kuotën e 12 pikëve, kurse Manchester United me këtë fitore grumbullon 9 pikë.
