Ish-trajneri i Real Madridit, Zinedine Zidane, ka mbajtur bisedimet me Manchester Unitedin rreth mundësisë për ta marrë drejtimin e klubit anglez.
Jose Mourinhos është nën presion shumë të madh pas rezultateve të dobëta dhe mosmarrëveshje me Paul Pogban në këtë fillim sezon dhe e ardhmja e tij në “Old Trafford” është vënë në rrezik. Mourinho mbetet ende në krye të skuadrës së Unitedit, por presioni ndaj portugezit vazhdon e rritet më shumë. Francezi Zidane konsiderohet si kandidati kryesor për të marrë në dorë frenat e “Djajve të kuq” nëse drejtuesit vendosin të shkarkojnë portugezin.