Barcelona ka shkatërruar Real Madridin me rezultatin 5-1 në "Camp Nou", e vlefshme për javën e 10 të La Ligas.
Ndeshja zhbllokohet në minutën e 11' me golin e Philippe Coutinhos.
Rezultati dyfishohet në minutën e 30' me anë të Luis Suarez që shënon nga pika e bardhë e penalltisë. Reali zgjohet nga gjumi në minutën e 50', pasi Marcelo ngushtoi rezultatin. Por skuadra e Valverdes vazhdon dominim dhe shënon 3 gola të tjerë për 12 minuta. Në 75' dhe 83' ishte Suarez që kompleton hat-trickun e parë në "El Clasico" dhe në 87' Arturo Vidal. Pas kësaj fitoreje spektakolare Barcelona renditet në vendin e 1 me 21 pikë, ndërsa Reali në vendin e 9 me 14 pikë.
