Mbrojtësi nga Ekuadori është në kërkim të një skuadre të re.
Shumë futbollistë të Manchester United janë në vitin e tyre të fundit të kontratës me klubin dhe një prej tyre është edhe kapiteni Antonio Valencia.
Tashmë e ardhmja e 33-vjeçarit është e qartë, larg Old Trafford, duke parë se nuk i është ofruar rinovimi i kontratës, por edhe për faktin se nuk luan rregullisht në formacionin bazë. Edhe nëse bëhet ndonjë ndryshim trajnerësh në ekip nuk do të ndryshonte situatën rreth Valencias për shkak të moshës, çka e ka shtyrë lojtarin të nisë kërkimet për një ekip tjetër. Që më një janar të 2019, Valencia është i lirë të zgjedhë ekipin e ardhshëm. Reprezentuesi i Ekuadorit ka oferta nga klubet angleze dhe ato spanjolle.