Sulmuesi suedez Zlatan Ibrahimovic e konsideron cilësinë e Premier Leagues si të mbivlerësuar, megjithatë ai është i kënaqur që paraqitjet e tij me Machester United e ndihmuan për të heshtur kritikët.
Suedezi kaloi në Old Trafford në verën e vitit 2016 duke vazhduar fitimin e trofeve që e kishte nga Holanda, Italia, Spanja dhe Franca. Ardhja e tij në Angli si një transferim i lirë vuri në pikëpyetje suksesin e tij në këtë ligë pasi atëkohë ishte 35 vjeç, por kjo nuk e pengoi atë dhe arriti të shënojë 28 gola në të gjitha garat nën urdhrat e Jose Mourinhos.
“Më pëlqente Liga Premier. Kam gjetur shumë motivues dhe shumë emocionues. Ajo merr shumë vëmendje, edhe pse ndjehem se cilësia është paksa e mbivlerësuar – cilësia individuale, pjesa teknike”, ka thënë ylli suedez. Ibra ndjen se ai do të kishte edhe më shumë ndikim në Angli, nëse do të transferohej më herët në këtë ligë.