Jose Mourinho ka bërë të ditur se e dëshiron Kalidou Koulibaly më së largu në verë.
Sipas “Mirror”, mbrojtësi i Napoli kërkohet me ngulm nga trajneri i Manchester United dhe ky i fundit i ka dhënë afat drejtuesve të klubit deri në verë.
Sipas raportimeve të fundit, në garë për 27 vjeçarin janë edhe Chelsea dhe Liverpool. Gjithsesi, Manchester United i prinë garës për lojtarin i cili vlerësohet më shumë se 90 milionë euro. “Djajtë e kuq” me gjasë do të dërgojnë një ofertë drejt tij qysh në afatin e janarit. Kujtojmë se në listën e dëshirave të Mourinhos është edhe mbrojtësi tjetër nga Serie A, Milan Skriniar.