Edin Dzeko pëlqehet nga skuadra madrilene. Edin Dzeko ishte i vëzhguari special i ndeshjes ndërmjet Spanjës dhe Bosnjës.
Sipas gazetës AS, përfaqësues të Real Madridit ishin të pranishëm në stadiumin e Las Palmas, për të ndjekur në aksion sulmuesin e Romës.
Pikërisht klubi i kryeqytetit italian do të jetë rivali i ardhshëm i Los Blancos në Ligën e Kampionëve, por synimi i përfaqësuesve të Realit ishte një tjetër. Dzeko po mbahet nën vëzhgim, në kuadër të hapjes së afatit të transferimeve të dimrit. Florentino Perez është në kërkim të një sulmuesi, për të përforcuar këtë repart. Blerja e Dzekos mund të ishte një zgjidhje e përkohshme, të paktën deri në fund të sezonit. Kjo për faktin se gjatë verës, Real Madridi do të provojë të realizojë goditjen e madhe, atë që mungoi në fillim të këtij edicioni.