Barcelona e ka mbyllur me fitore ndeshjen e xhiros së 19-të në La Liga.
Katalanët para tifozëve të vet e kanë mposhtur Eibarin me rezultatin 3:0. Serinë e golave në këtë takim e hapi sulmuesi Luis Suarez, kur po luhej minuta e 19’. Në minutën e 53’, i jashtëzakonshmi Lionel Messi realizoi për 2:0. Ky gol kishte vlerë shumë të madhe, pasi ishte goli i 400-të në La Liga për argjentinasin. Kështu, Messi është bërë lojtari i parë që arrin këtë shifër të golave në kampionatin spanjoll. Për të vulosur rezultatin e këtij takimi, në skenë u shfaq përsëri Suarez, kur në minutën e 59’ shënoi për 3:0. Barca pas 19 xhirove grumbullon 43 pikë dhe është lidere në tabelë me 5 pikë më shumë se Atletico Madrid.
Shtypni më poshtë që të shikoni videon: