Barcelona dhe Real Madridi barazuan 1-1 në ndeshjen e parë gjysmëfinaleve për Kupën e Mbretit, luajtur në Camp Nou të mërkurën në mbrëmje. Me Messin në stol për shkak të dëmtimit, Barça nuk shkëlqeu, por të paktën shmangu humbjen dhe ka lënë gjithçka të hapur për ndeshjen e kthimit. “Los Blancos” shkëlqyen në pjesën e parë, kur gjetën golin me Lucas Vazquez, ndërsa Barcelona u përmirësua në pjesën e dytë dhe Malcom barazoi në minutën e 57-të. Tifozët e Barcelonës nuk patën arsye për të festuar në përfundim të ndeshjes, por gjithsesi u përqendruan te një gjest nga Nelson Semedo, i cili turpëroi Sergio Ramos me një finte fantastike. Kur ndeshja po shkonte drejt përfundimit, mbrojtësi i Barcelonës depërtoi drejt zonës madrilene dhe i ndjekur nga Ramos, kreu një lëvizje mashtruese që funksionoi, duke bërë që Ramos të hidhej në rrëshqitje dhe të përfundonte disa metra jashtë fushe. Aq u desh që rrjetet sociale të merrnin flakë, me videon e Semedos që është postuar pa fund dhe tifozët e Barcelonës që tallen me Ramos, më poshtë mund ta shikoni videon: