Manchester United mund të befasojë me transferimin e ri që mund të bëjë në verë.
Manchester United po mendon ta rikthejë Edwin van der Sarin në skuadër.
Portieri legjendar po rikthehet te skuadra angleze me një post, që ende nuk është zbuluar.
Va nder Sar aktualisht është te Ajaxi si drejtor sportiv, gjersa mund të rikthehet te Manchester United po ashtu duke e marrë të njëjtin post që e mban edhe te holandezët.
Legjenda holandeze në fund të sezonit me shumë gjasë do të rikthehet në ‘Old Trafford’, aty ku e kishte kulmin e karrierës.
Van Der Sar i është përgjigjur këtyre spekulimeve, deklarata e tij në vazhdim: "United nuk është vetëm një klub i madh dhe i famshëm, por edhe një markë mbarëbotërore, por kur jeni brenda, ai është ende një vend familjar. Më kujtohet kur erdha nga Fulham-i, ah, është United ... vetëm pas një dite aty ndjehesh në shtëpi. Ju duhet ta çmoni atë, dhe Ole [Gunnar Solskjaer] po bën një punë të shkëlqyer në të, gjithashtu edhe Ed [Woodward]. Kam respektin maksimal për të, çfarë bën për klubin. Dua të ndjehem që unë kontribuoj, dhe ju mund ta bëni vetëm për diçka që besoni. United është një vend i veçantë. Kush e di, përfundimisht? Por për vitet e ardhshme unë jam këtu".
