Mediat serbe e kanë konsideruar si të turpshëm veprimin e fundit të presidentit të UEFA-s, Alexander Ceferin, i cili të mërkurën theksoi se kushdo që nuk e njeh Kosovën si anëtare të plotë të UEFA-s do të përballet me pasoja.
Vendimi i fundit i presidentit të UEFA-s, Alexander Ceferin i ka mllefosur serbët.
Kreu i futbollit evropian të mërkurën u shpreh se kushdo që nuk e njeh Kosovën si anëtare me të drejta të plota të UEFA-s do të përballet me pasoja.
Mediat serbe e kanë kritikuar sllovenin, i cili kërkon që futbollistët, klubet dhe përfaqësueset e Kosovës të futbollit të mos diskriminohen dhe të konsiderohen të barabartë me të tjerët. Kjo deklaratë e sllovenit ua bëri 8 me 2 serbëve.
“Turp i presidentit të UEFA-s. Ceferin lobon për të ashtuquajturën Kosovë. Çfarë thoni ju për këtë”, ka shkruar mediumi serb “espreso.rs”.
Shtetet që nuk e kanë njohur Kosovën shtet kanë ditur vazhdimisht t’ju sjellin probleme klubeve kosovare, jo vetëm në futboll, por edhe në sporte të tjera.
