Gianfranco Zola është larguar nga Chelsea për herë të dytë pas emërimit të Frank Lampard si menaxher.
Më në fund u konfirmua të enjten se Lampard ishte kthyer te Chelsea, duke zëvendësuar Maurizio Sarri pas kalimit të tij te Juventus.
Kjo e ka lënë Zolën pa punë, pasi anglezi vendosi të sjellë stafin e tij të mëparshëm, përcjell lajmi.net.
I votuar si lojtari më i madh i ‘Bluve’ në vitin 2003, ish-sulmuesi i Italisë u soll si ndihmës i Sarrit sezonin e kaluar.
Ata i siguruan plasmanin në Ligën e Kampionëve përsëri londinezëve, u futën në top-katërsh të Premierligës dhe triumfuan në Ligën e Evropës.
Në një deklaratë të lëshuar, Chelsea siguroi se ‘natyrisht ai do të jetë gjithmonë i mirëpritur të kthehet’ në Stamford Bridge.
