Ylli i Barcelonës, Leo Messi ka ngurruar të përshkruajë si ‘miqësi’ marrëdhënien e tij me rivalin e madh, Cristiano Ronaldon. Sulmuesi argjentinas dhe ai portugez janë rival të mëdhenj qe dhjetë vite dhe mediat shpesh i kanë përshkruar edhe si të urryer mes njëri-tjetrit. Megjithatë, këtë gjë e kanë mohuar të dytë, duke theksuar se inati i tyre është pozitiv dhe i përket futbollit. Messi, gjatë një interviste të fundit për revistën World Soccer Magazine, u pyet nëse ai ishte i afërt me rivalit të tij të madh nga Real Madridi, por marrëdhënien e tij
nuk e cilësoi si miqësi. “Nuk e di”, u përgjigj argjentinasi fillimisht Messi për World Soccer Magazine. “Miqësia është diçka që ndërtohet bashkë me kalimin e kohës”. “Ne nuk kemi ndonjë marrëdhënie, sepse ne e shohim njëri-tjetrin vetëm në ndarjen e çmimeve, e cila është e vetmja kohë që ne flasim me njëri-tjetrin”. “Gjithçka është mirë, por jeta jonë nuk na takon shumë shpesh”, përfundoi ylli argjentinas.