Përdorimi për herë të parë i kartonit të kuq, shikoni si është frymëzuar arbitri anglez

VAR mund të jetë sot ndryshimi më i madh në futboll, por në vitet e 70-ta të shekullit të kaluar ishte shfrytëzimi i kartonëve të kuq.

Futbollisti i parë që u largua në një lojë ishte lojtari i Blackburn Rovers, David Wagstaffe, e cila gjë ndodhi në vitin e largët 1976. E gjitha ndodhi në takimin e Divizionit të Dytë kundër Leyton Orientit, ku ai bëri një ndërhyrje të ashpër ndaj kundërshtarit. Më vonë atë pasdite, legjendari George Best iu tregua kartoni i kuq kur shau gjyqtarin në takimin e Fulhamit kundër Southamptonit. Por, a e dini se kartoni i kuq u frymëzua nga semaforët? Kjo ndodhi kur Liga e Futbollit vendosi të futë sistemin e kartonëve pas suksesit në Kupën e Botës të vitit 1970.Gjyqtari i parë që ndëshkoi me karton të kuq një futbollist ishte Ken Aston. Ky i fundit ishte në krye të gjyqtarëve për Kupën e Botës së vitit 1966, kur i ra ndërmend se duhet të ketë ndryshime në lojën e futbollit. Në ndeshjen mes Anglisë dhe Argjentinës ka pasur konfuzion në lidhje me përjashtimit të Antonio Rattin, i cili i tregoi gjuhën gjyqtarit të takimit. Por, amerikano-jugorët ishin kundër gjyqtarit anësor Rudolf Kreitlein, të cilit iu tregua gjuha. Gjersa ishte duke pritur në veturë para një semafori, britanikut i lindi ideja e kartonit të kuq.

Kjo e fundit tregon se vetura duhet të ndalojë dhe se nuk i lejohet të ecë më tutje. Sistemi i kartonëve u eksperimentua në Kupën e Botës së vitit 1970 në Meksikë dhe ishte suksesshëm, ku iu prezantua ligave evropiane. Gjashtë vjet më vonë u bë kthesa në futbollin anglez që përqafoj ndryshimin. Por kjo zgjati vetëm pesë vjet. Në vitin 1980 kartoni i kuq u hoq për shkak se Federata Angleze besonte se “kundërshtimet ndaj

gjyqtarëve” po bëheshin një problem. Ky vendim u morr nga Këshilli i FA në vitin 1981. Dy kartonët e kuq të parë u treguan më pas ndaj David Hodgsonit dhe Nicky Reidit, në një ndeshje mes Manchester Cityt dhe Middlesbrough. Në vitin 1987, Bordi Ndërkombëtar i Futbollit, i cili merrte vendime rreth risive në futboll, tha se nuk kishte kontroll mbi futbollin në Angli. Ata këshilluan që kartonët e kuq dhe të verdhë të ri-tregohen për sezonin 1987-88. Mick Harford i Luton Town ishte lojtari i parë që iu dha kartoni i kuq në ligë. Kjo risi i ka mbajtur lojtarët dhe menaxherët nën kontroll për shumë kohë.

Tags Lajme