Paul Pogba është lojtari i fundit që ka hasur në një marrëdhënie të vështirë me trajnerin e njohur portugez, Jose Mourinho.
Manchester United është duke zhvilluar një fillim të dobët të sezonit dhe kulmi erdhi nga eliminimi i tyre nga Carabao Cup nga Derby County.
Megjithatë, problemi i Djajve të Kuq është më i madh se vetëm rezultatet në fushën e lojës. Kjo pasi trajneri Mourinho ka hasur në probleme më disa nga futbollistët e tij, e në veçanti me mesfushorin francez Pogba. Mourinho dhe Pogba tash e disa muaj janë në një ‘luftë’ të hapur mes vete duke e kritikuar shpeshherë njëri tjetrin në publik. Por, Pogba nuk është futbollisti i vetëm që ka hasur në probleme dhe marrëdhënie të vështirë me ‘Special One’. Trajneri portugez kërkon perfeksion dhe jo rrallëherë ka hasur në keqkuptime dhe probleme me disa nga lojtarët kryesor të skuadrave që ka drejtuar duke mos i inkuadruar dhe duke bërë që ata të ndërrojnë skuadrat. Portali i njohur Goal.com ka përpiluar një listë me 12 futbollistët që kanë pasur probleme me Mourinhon, ku spikasin emra të njohur si Pogba, Cristiano Ronaldo, Mohamed Salah, Kevin de Bruyne, Romelu Lukaku dhe Iker Casillas. Më poshtë keni 12 futbollistët që ishin në ‘luftë’ me Mourinhon:
Paul Pogba – Manchester United, Mohamed Salah – Chelsea, Romelu Lukaku – Chelsea, Kevin De Bruyne – Chelsea, Iker Casillas – Real Madrid, Bastian Schweinsteiger – Manchester United, Pedro Leon – Real Madrid, Cristiano Ronaldo – Real Madrid, Juan Mata – Chelsea, Luke Shaw – Manchester United, Ricardo Quaresma – Inter, Samuel Eto’o – Chelsea