Problemet politike mes Armenisë dhe Azerbajxhanit ia pamundësojnë Henkrikh Mkhitaryan të luajë të enjten.
Arsenali do të udhëtojë drejt Azerbajxhanit, ku të enjten në mbrëmje do të përballet me skuadrën e Qarabagut, në ndeshjen e vlefshme për fazën e grupeve të Ligës së Evropës. Trajneri Unay Emery ka vendosur të udhëtojë drejt Baku-së pa yllin armen të skuadrës, Henrikh Mkhitaryan dhe jo për shkaqe sportive, por për shkak të tensioneve ndëretnike mes Armenisë dhe Azerbajxhanit. Armiqësia mes dy vendeve mbi rajonin e “Nagorno Karabakut” mbetet e lartë. Për këtë arsye, Mkhitaryan nuk udhëtoi në Azerbajxhan në vitin 2015, kur asokohe luante me Borussia Dortmundin. “Siguria e futbollistëve tanë vjen para të gjithave dhe ne do të marrim një vendim për këtë, pasi të flasim me Mkhitaryan”, lexohet në një njoftim për shtyp të ekipit londinez.