Trajneri italian, Gennaro Gattuso i ka ditët e numëruara në punën e tij si shef i shtabit teknik te Milani, pasi së shpejti pritet të shkarkohet nga bordi i klubit.
E ardhmja e Gattusos te Rossonerët vazhdon të mbetet në pikëpyetje shkaku i rezultateve jo të mira. Që nga fillimi i sezonit, trajneri italian është përballur me thashetheme rreth një largimi të tij nga detyra e trajnerit të Milanit. Megjithatë, si duket tani pritjes i ka ardhur reni dhe Gattuso pritet të shkarkohet nga drejtuesit e klubit. Sipas mediumit italian Calciomercato, Milani do të shkarkojë menaxherin Gattuso pas ndeshjes të së shtunës mbrëma kundër SPAL-it. Me klubin që po lufton për rezultate, bordi i Milanit vendosi që Gattuso të merrte gjashtë pikë nga dy ndeshjet e kësaj jave kundër Frosinone dhe SPAL. Por, Milani mori vetëm barazim 0-0 ndaj Frosinone të mërkurën, që do të thotë se Gattuso nuk do ta arrijë këtë qëllim dhe do të humbasë punën e tij para se të shkojnë në pushim dimëror dy javësh. Me stolin e Rossonerëve, si pasues të Gattusos janë lidhur legjenda franceze Arsene Ëenger dhe trajneri i njohur italian Francesco Guidolin.