Edhe pse shumë e vështirë, Andy Robertson ka arritur ta impresionojë Jose Mourinhon.
Yje si Mohamed Salah, Kevin De Bruyne, Juan Mata dhe të tjerë kanë dështuar ta impresionojnë Mourinhon, por jo edhe anësori i Liverpool. Pas humbjes 3:1 në “Anfield”, anash frustrimit për humbjen, portugezi ka komentuar pozitivisht Robertsonin.
Ai ka qenë i mahnitur me angazhimin e jashtëzakonshëm të mbrojtësit skocez. “Jam ende i lodhur vetëm duke e shikuar Andy Robertson tek vraponte” ka thënë Mourinho pas ndeshjes. “Ai mund të vraponte dy sprinte nga 100 metra në vetëm një minutë” ka thënë portugezi. Robertson është një nga “zbulimet” më të mëdha të trajnerit Jurgen Klopp.