Klubi londinez po zhvillon një sezon fantastik. Dje janë zhvilluar nëntë ndeshje të Premier Ligës, që përkojnë me mbylljen e fazës së parë.
Liverpooli udhëheq pas 19 ndeshjesh me 51 pikë, duke bërë një ecuri fantastike, ku për të përmendur është që ende nuk e njohin humbjen. Në vendin e dytë tashmë, ka kaluar Tottenhami, i cili parakaloi Manchester Cityn, pas humbjes që “Citizens” pësuan ndaj Leicesterit. “Gjelat” e Londrës, janë në kuotën e 45 pikëve, gjashtë më pak se Liverpooli, por e veçanta e ekipit të Mauricio Pochettinos është se e kanë mbyllur fazën e parë, pa asnjë barazim, duke thyer një rekord për futbollin elitar anglez. Kështu, Tottenhami bëhet i pari ekip në historinë e Premier Ligës, që mbyll një fazë pa asnjë barazim. Plot 15 fitore dhe katër humbje në 19 ndeshjet e luajtura për Spurs. Një gjë e tillë nuk kishte ndodhur kurrë më parë në elitën e futbollit anglez.