Në “Benito Villamerin”, stadiumi i Real Betis, i përcaktuar si mikpritës i finales së Copa Del Rey është hedhur shorti për gjysmë-finalet e kësaj kupe.
Shorti ka rezervuar përballjen me të fortë në Spanjë. Barcelona dhe Real Madrid do të përplasen që në gjysmëfinale.
Ndeshja e parë do të zhvillohet në “Camp Nou”, ndërsa ndeshja e kthimit në “Bernabeu”. Përballja e parë do jetë me 6 shkurt, ndërsa ndeshja e kthimit më 27 të po këtij muaji. Kujtojmë që me 2 mars do jetë sërish Barcelona që udhëton për në Madrid për "El Classicon" e tretë brenda një muaji, këtë herë për La Liga. Ndërkohë çifti tjetër i gjysmëfinales do jetë Real Betis kundër Valencia, me Betis që do të jetë mikpritës i ndeshjes në fushën e tyre, ndërsa ndeshja e kthimit do jetë në “Mestalla”.