Afati kalimtar i janarit është në ditët e fundit gjersa sa vjen e po bëhet më interesant. Një prej ekipeve më të pasura në botë, Manchester City si duket nuk do të ndalet së sjelli lojtar të ri. Citizens tani po kërkojnë shërbimet e mesfushorit me tipare sulmuese të Chelseat, Eden Hazard.
Për sulmuesin e krahut, i cili u shpall lojtar i vitit në sezonin e kaluar, janë të gatshëm të paguajnë rreth 170 milionë euro. Kështu së paku raporton Sunday Mirror, e cila shkruan sot se në garë për shërbimet e yllit belg është edhe Real Madridi. Madje, kjo e fundit po kërkon ta rifreskojë skuadrën dhe pritet të ketë aktivitet të madh në afatin kalimtar të verës. Theksojmë se lideri aktual i ligës elitare angleze ishte në garë për Alexis Sanchezin, por kishte refuzuar të paguante pagën e lartë të kilianit dhe ishte tërhequr nga gara.