Juventusi është i interesuar për Christian Pulisic e Borussia Dortmundit, raportojnë mediat italiane. “Zonja e Vjetër” edhe pse ka krijuar treshen e frikshme sulmuese, Ronaldo, Dybala e Costa, kërkon akoma përforcime. Siç raportohet, torinezët janë duke vëzhguar vazhdimisht amerikanin, i cili është një nga lojtarët kryesor tek “milionerët” e Gjermanisë. Pulisic me Dortmundin ka kontratë deri në vitin 2020, por, nuk përjashtohet mundësia që lojtari të largohet nga skuadra gjermane për të nisur një tjetër aventurë në futbollin evropian.